බ්‍රසීල ජනාධිපතිවරණයේ පළමු වටයේදී ෆ්ලේවියෝ බොල්සොනාරෝ අපේක්ෂිත ප්‍රතිශතයක් අභිබවා ඡන්ද ප්‍රතිඵලයක් ලබාගෙන තිබෙනවා.

එම ප්‍රථිඵල අනුව ෆ්ලේවියෝ බොල්සොනාරෝට සියයට 47ක ඡන්ද ප්‍රතිශතයක් හිමිව ඇති අතර, වත්මන් ජනාධිපති ලුයිස් ඉනාසියෝ ලූලා ද සිල්වා සියයට 45කට ආසන්න ඡන්ද ප්‍රතිශතයක් ලබාගෙන තිබෙනවා.

කිසිදු අපේක්ෂකයෙකුට පළමු වටයේදී වලංගු ඡන්දවලින් සියයට 50කට වැඩි ප්‍රමාණයක් ලබා ගැනීමට නොහැකි වීම හේතුවෙන්, බ්‍රසීල ජනාධිපතිවරණය දෙවැනි වටයකට යොමු වී තිබෙනවා.

ඒ අනුව ලබන 25 වනදා පැවැත්වෙන දෙවැනි වටයේදී බොල්සොනාරෝ සහ ලූලා අතර ජනාධිපති ධුරය සඳහා නැවත ඡන්දයක් පැවැත්වීමට නියමිතයි.

හිටපු ජනාධිපති ජෙයාර් බොල්සොනාරෝගේ පුත්‍රයා වන ෆ්ලේවියෝ බොල්සොනාරෝ, පළමු වටයට පෙර පැවති මත විමසුම්වලට වඩා ඉහළ ප්‍රතිඵලයක් ලබාගැනීම ද විශේෂත්වයක්.

මේ අතර, ජනාධිපති ලූලා ද සිල්වා පළමු වටයේ ප්‍රතිඵලයෙන් අනතුරුව ප්‍රකාශ කර ඇත්තේ, දෙවැනි වටය සඳහා නව මැතිවරණ ව්‍යාපාරයක් ආරම්භ කරන බවයි.