අර්ච්චුනාගේ පාර්ලිමේන්තු ආසනය ගැන කථානායකට ලිපියක්
2026 July 09- Page Views : 16
පාර්ලිමේන්තු මන්ත්රී වෛද්ය රාමනාදන් අර්ච්චුනා මහතාගේ පාර්ලිමේන්තු ආසනය වෙනස් කර දෙන ලෙස ඉල්ලමින් සමස්ත ලංකා දෙමළ කොංග්රසයේ නායක, පාර්ලිමේන්තු මන්ත්රී ගජේන්ද්රකුමාර් පොන්නම්බලම් මහතා කථානායකවරයා වෙත ලිඛිත ඉල්ලීමක් කර තිබේ.
එහි වැඩිදුරටත් සඳහන්ව ඇත්තේ, අර්ච්චුනා මන්ත්රීවරයා දිස්ත්රික් සංවර්ධන කමිටු රැස්වීම්වලදී මෙන්ම සමාජ මාධ්ය ඔස්සේද ප්රසිද්ධියේ තමාට අපහාස කරමින්, ප්රචණ්ඩකාරී ලෙස තර්ජනය කරමින් සිටින බවය.
එවන් තත්ත්වයක් තුළ පාර්ලිමේන්තු සභාගර්භය තුළ තමාට නුදුරින් අසුනක අර්ච්චුනා මන්ත්රීවරයා අසුන්ගෙන සිටීම තමාගේ අවධානය වෙනතකට යොමුවන බවද කථානායකවරයා වෙත ඉදිරිපත් කළ ලිපිය මඟින් ගජේන්ද්රකුමාර් මහතා අවධාරණය කර ඇත.
අදාළ මන්ත්රීවරයා ස්වාධීන කණ්ඩායමකින් ප්රථම වරට තේරී පත්වුණු පාර්ලිමේන්තු මන්ත්රීවරයෙක් වන අතර, සාමාන්යයෙන් එවැනි මන්ත්රීවරුන් සඳහා අසුන් පැනවීම සිදුකරනු ලබන්නේ පිළිගත් දේශපාලන පක්ෂවල සියලුම ජ්යෙෂ්ඨ නායකයින් සහ මන්ත්රීවරුන්ගෙන් පසුව බවද අදාළ ලිපියෙහි දක්වා තිබේ.
කෙසේ වෙතත්, සාමාන්ය සම්ප්රදායට පටහැනිව, පිළිගත් දේශපාලන පක්ෂ නායකයින් සහ ජ්යෙෂ්ඨ මන්ත්රීවරුන් අතර මෙම පාර්ලිමේන්තු මන්ත්රීවරයාට අසුන් ගැනීමට අවසර දී ඇති බැවින් මෙම කරුණ සම්බන්ධයෙන් මැදිහත් වී අර්ච්චුනා මන්ත්රීවරයාගේ ආසනය වෙනස් කර දෙන ලෙස ගජේන්ද්රකුමාර් මන්ත්රීවරයා කථානායකවරයාගෙන් ඉල්ලා සිටී.