ඇෆ්ගනිස්තාන - ශ්‍රී ලංකා ක්‍රිකට් තරගාවලිය කල් යයි

ඇෆ්ගනිස්තානය සහ ශ්‍රී ලංකාව අතර එක්සත් අරාබි එමීර් රාජ්‍යයේදී පැවැත්වීමට නියමිතව තිබූ 20යි 20 සහ එක්දින ක්‍රිකට් තරගාවලිය කල් දැමීමට ඇෆ්ගනිස්තාන ක්‍රිකට් ආයතනය (ACB) පියවර ගෙන තිබෙනවා.

මෙම තරගාවලිය මාර්තු 13 වන දින ආරම්භ වීමට නියමිතව තිබුණා.

කෙසේ වෙතත්, කලාපීය වශයෙන් පවතින උණුසුම්කාරී තත්ත්වය හේතුවෙන් ගුවන් ගමන් සීමා කිරීම් ඇතුළු මතුව ඇති අනපේක්ෂිත සැපයුම් දාම ගැටලු (logistical challenges) නිසා මෙම තරගාවලිය 2026 වසරේ අවසන් කාර්තුව දක්වා කල් දැමීමට තීරණය කළ බවයි ඇෆ්ගනිස්තාන ක්‍රිකට් ආයතනය නිවේදනය කරන්නේ.

මෙම තරගාවලිය ඇෆ්ගනිස්තානය විසින් ශ්‍රී ලංකාව තම මූලික තරග රටාව ලෙස සත්කාරකත්වය ලබා දෙන පළමු අවස්ථාව ලෙස ඉතිහාසයට එක්වීමට නියමිතව තිබුණා.

කෙසේ වෙතත්, පවතින අභියෝගාත්මක තත්ත්වය හමුවේ ක්‍රීඩකයන්ගේ සහ තරගාවලියේ ආරක්ෂාව සහ මෙහෙයුම් කටයුතු සැලකිල්ලට ගනිමින් මෙම තීරණය ගැනීමට සිදු වූ බව ක්‍රිකට් ආරංචි මාර්ග සඳහන් කරන්නේ.