විදුලිබල ඇණහිටීමෙන් යුක්රේන ජනතාව ජීවිත අවදානමක
2022-11-25 11:21:04- Page Views : 31
රුසියානු මිසයිල ප්‍රහාර හේතුවෙන් යුක්රේනයේ විදුලි අවශ්‍යතාවයෙන් සියයට 50ක් වත් සැපයීමට නොහැකි තත්වයක් උද්ගතවී ඇති බව යුක්රේන බලධාරීන් පවසනවා.
කීව් අගනුවර ඇතුලු කලාප 15කට මෙම තත්වය බලපා ඇති බවයි විදෙස් මාධ්‍ය වාර්තා කළේ.
එමෙන්ම රුසියානු ප්‍රහාර හේතුවෙන් යුක්රේනයේ ජල සැපයුමද බිඳවැටී තිබෙනවා.
මේ දිනවල යුක්රේනයේ උෂ්ණත්වය සෙල්සියස් අංශක දෙකක් පමණ වන අතර, විදුලි බලය අහිමිවීමත් සමඟ අධික ශීතලෙන් ජනතාව මියයාමේ හැකියාවක්ද පවතින බව සඳහන්.