කල්පිටියේ ජල සරුංගල් ක්‍රීඩාවට ග්‍රීසියෙන් ක්‍රීඩිකයින් පිරිසක් මෙරටට

කල්පිටිය ජල සරුංගල් ක්‍රීඩාව සඳහා එක්වීමට ග්‍රීසියේ සිට 35 දෙනෙකුගෙන් යුත් කණ්ඩායමක් අද (25) දිවයිනට පැමිණියා.

පෙරවරු 8.20 ට ඩුබායි සිට එමිරේට්ස් ගුවන් සේවයට අයත් ඊ.කේ.650 දරණ යානයෙන් ඔවුන් කටුනායක ජාත්‍යන්තර ගුවන්තොටුපල පැමිණි බවයි හිරු ගුවන්තොටුපල වාර්තාකරු සඳහන් කළේ.

අද මෙරටට පැමිණි මෙම ජල සරුංගල් ක්‍රීඩකයින් 35 දෙනා දින 10 ක කාලයක් දිවයිනේ රැදී සිටීමට නියමිතයි.

සෑම වසරකම යුරෝපීය රටවල ජල සරුංගල් ක්‍රීඩා සඳහා සහභාගි වන ක්‍රිඩකයන් වැඩි පිරිසක් දෙසැම්බර් සිට මාර්තු දක්වා සහ මැයි සිට ඔක්තෝම්බර් දක්වා කාලය තුල කල්පිටියෙ ජල සරුංගල් ක්‍රීඩා සඳහා මෙරටට පැමිණෙනවා.