නිෂාන් මධුෂ්කට ටෙස්ට් වරම්

ශ්‍රී ලංකාව සහ නවසීලන්තය අතර වෙලින්ටන්හිදී අද (17) පෙරවරුවේ ආරම්භ වූ දෙවැනි සහ අවසන් ටෙස්ට් ක්‍රිකට් තරගයේදී යොවුන් පිතිකරු නිෂාන් මධුෂ්ක ශ්‍රී ලංකාවේ 163 වැනි ටෙස්ට් ක්‍රිකට් ක්‍රීඩකයා ලෙස ටෙස්ට් වරම් ලැබීය.

මොරටු මහා විද්‍යාලයේ ආදි ක්‍රිකට් ක්‍රීඩකයෙක් වන 23 හැවිරිදි නිෂාන් මෙම තරගයේදී කඩුලු රකින්නා ලෙස ද කටයුතු කරයි.

ශ්‍රී ලංකාවේ සාර්ථකම ක්‍රිකට් නායකයෙක් වන ඇන්ජලෝ මැතිව්ස්, නිෂාන්ට නිල වශයෙන් ටෙස්ට් හිස්වැස්ම පිරිනැමීය.