බෝ නොවන රෝග මඩින්න ක්‍රීඩාව බෝ කරමු

තරුණ ප්‍රජාව බෝ නොවන රෝග වලින් ආරක්ෂා කිරීම සඳහා  ක්‍රීඩාව විශාල දායකත්වය සපයන බැවින් ඒ වෙනුවෙන් උපරිමයෙන් කැප වන බව තරුණ කටයුතු නියෝජ්‍ය අමාත්‍ය දිනිඳු සමන් හෙන්නායක මහතා පැවැසීය.

අමාත්‍යවරයා මේ බව කීවේ ජාතික ක්‍රීඩා විද්‍යායතනයේ සහතික පත්‍ර ප්‍රදානෝත්සවයේදීය.කොළඹ නෙලුම් පොකුණ රංග ශාලාවේ දී මෙය පැවැත්විණි.

මෙහිදී ජාතික ක්‍රීඩා විද්‍යායතනය පවත්වනු ලබන ජාතික වෘත්තීය සුදුසුකම් සහිත අභ්‍යාසලාභීන් සහ අනෙකුත් කෙටිකාලීන පාඨමාලා වල අභ්‍යාසලාභීහු 813 දෙනෙක්  සහතික පත්‍ර ලැබූහ.

 ජාතික වෘත්තීය සුදුසුකම් මට්ටම (NVQ LEVEL) 4, 5, 6 යන සුදුසුකම පිරිනැමීම මෙහිදී සිදු කෙරිණි. ඒ අනුව උසස් පුහුණුකරු පාඨමාලාව (NVQ 6), ක්‍රීඩා ඩිප්ලෝමා පාඨමාලාව (NVQ 5), ක්‍රීඩා පුහුණුකරු ඩිප්ලෝමා පාඨමාලාව (සති අන්ත), ක්‍රීඩා කළමනාකරණ ඩිප්ලෝමා පාඨමාලාව, ශාරීරික යෝග්‍යතා උපදේශක පාඨමාලාව (NVQ 4) හා ක්‍රීඩා අභ්‍යාසක සහතික පත්‍ර පාඨමාලාව (NVQ 4) සඳහා සහතික ප්‍රදානය කෙරිණි.