ඉතාලියේ වෙසෙන ශ්රී ලාංකිකයින්ට රියදුරු බලපත්ර ලබාදීමට කැබිනට් අනුමැතිය
2025 November 25- Page Views : 10
ඉතාලියේ වෙසෙන ශ්රී ලාංකිකයින්ට රියදුරු බලපත්ර ලබාදීම සඳහා වූ යෝජනාවට කැබිනට් මණ්ඩල අනුමැතිය හිමිව තිබේ.
ඊට අදාළ කැබිනට් පත්රිකාව ප්රවාහන, මහාමාර්ග හා නාගරික සංවර්ධන අමාත්ය බිමල් රත්නායක මහතා විසින් ඊයේ (24) දිනයේ අමාත්ය මණ්ඩලයට ඉදිරිපත් කරනු ලැබීය.
ඒ අනුව එම කැබිනට් පත්රිකාවට ඊයේ දිනය තුළම අනුමැතිය හිමිවූ බව අමාත්ය බිමල් රත්නායක මහතා සඳහන් කළේය.
කැබිනට් මණ්ඩලය විසින් සම්මත කළ යෝජනාව ඉතාලියේ සිටින ශ්රී ලංකා තානාපතිවරයා වෙත දැනුම් දීමට නියමිතව තිබේ.
ඉන් අනතුරුව ඉතාලියේ රියදුරු බලපත්ර පිළිබඳ වගකියන ආයතනය සමඟ අවබෝධතා ගිවිසුමකට අත්සන් කිරීමට නියමිත අතර එම කටයුතු මාස 2ක් තුළ සිදුකිරීමට සැලසුම් කර ඇති බව බිමල් රත්නායක අමාත්යවරයා සඳහන් කළේය.
ඉතාලියේ වෙසෙන ශ්රීලාංකිකයින් විසින් සිදුකළ ඉල්ලීම් සලකා බලා මෙම කැබිනට් පත්රිකාව සකස් කළ බව බිමල් රත්නායක අමාත්යවරයා වැඩිදුරටත් සඳහන් කළේය.