පළාත් පහකට මි.මී. 150ට වැඩි 'ඉතා තද වැසි' : ඉදිරි පැය 24 තුළදී පීඩන අවපාතයක්
2025 November 27- Page Views : 37
ශ්‍රී ලංකාවට ආසන්නව, ගිනිකොණ දෙසින් පවතින අඩු පීඩන කලාපය ඉදිරි පැය 24 තුළදී ක්‍රමයෙන් පීඩන අවපාතයක් දක්වා වර්ධනය වී උතුරට බරව වයඹ දෙසට ගමන් කිරීමේ හැකියාවක් පවතින බව කාලගුණ විද්‍යා දෙපාර්තමේන්තුව නිවේදනය කරනවා.
මෙම කාලගුණික පද්ධතියේ බලපෑම හේතුවෙන් දිවයින පුරා පවතින තද වැසි සහ තද සුළං තත්ත්වය ඉදිරි දින කිහිපයේදීත් බලාපොරොත්තු වන බවයි එම දෙපාර්තමේන්තුව පෙන්වා දෙන්නේ.
එ අනුව, උතුරු, උතුරු-මැද, නැගෙනහිර, මධ්‍යම සහ ඌව පළාත්වල ඇතැම් ස්ථානවලට මි.මී. 150ට වැඩි ඉතා තද වැසි ඇති විය හැකි බවත්, දිවයිනේ සෙසු ප්‍රදේශවල ඇතැම් ස්ථානවලට මි.මී. 100ට වැඩි තද වැසි ඇති විය හැකි බවත් එම දෙපාර්තමේන්තුව නිකුත් කළ නවතම නිවේදනයේ (ප.ව. 10.30) සඳහන්.
දිවයිනේ බොහෝ ප්‍රදේශ වල විටින් විට පැයට කිලෝමීටර 50-60ක පමණ තද සුළං ඇතිවිය හැකි බවද කාලගුණ විද්‍යා දෙපාර්තමේන්තුව සඳහන් කර සිටිනවා.